A proposta de enoturismo de Adegas Terra de Asorei é unha experiencia sostible do rural galego do século XXI. Adegas Terra de Asorei é unha adega familiar do Val do Salnés, que aposta pola calidade e honestidade dos seus albariños. Cunha aposta pola sostenibilidade, simbolizada pola elaboración do seu albariño con cepas centenarias ou a recuperación de vellas vides, como o espadeiro, como exemplo de respeto pola biodiversidade. Seguindo nesa liña de sostenibilidade, contamos cunha Adega Botelleiro construída integramente en madeira galega, a primeira edificación de Galiza con estas características.
Estamos en San Martiño de Meis, á beira da ruta da Pedra e da Auga, ó pé do monte onde se atopa o mosteiro de Armenteira. Queremos fomentar unha vida saudable e vos invitamos a facer un recorrido polos sendeiros interiores de Terra de Asorei, onde poderán contemplar os nosos viñedos e dende un entorno aberto, a partir da nosa Eira de Asorei, visitarán a Adega de colleita, Adega de elaboración, A sala de catas Asorei, A tenda da adega e a Adega botelleiro, coa súa taberna de Asorei. E gozar do miradoiro do solpor, onde poderán desfrutar de momentos de sosego, catando os nosos albariños.
Partindo da honestidade e calidade dos viños de Terra de Asorei, ofrecemos unha vivencia baseada na cultura e a tradición, poñendo en valor a viticultura social, humana, feita a man propia das xentes do Val do Salnés. Cultivamos uva albariña con experiencia, ciencia e humanidade.
Convidámosche a emocionarte cos nosos albariños. Desexamos que coñezas a historia das persoas, a terra dos seus viñedos, o seu microclima, a paisaxe atlántica, e a cultura galega que enche cada botella de Adegas Terra de Asorei. Queremos que leves algo de nós, que leves no teu corazón o Val do Salnés, as Rías Baixas e para sempre: Galicia e Terra de Asorei.